ڤیدیۆ کۆنفرانس لەگەل باڵیۆزی نوێی پۆلۆنیا لە عیراق.

نوێنەری حکومەتی هەرێمی كوردستان لە پۆلۆنیا بەڕێز زياد رەئووف بەشداری کرد لە ڤیدۆ کۆنفرانسێک لەگەڵ بەڕێز مارچين كوبياك (Marcin Kubiak) باڵیۆزی نوێی پۆلۆنیا لە عیراق ، کە لە داهاتوویەکی نزیک دەست بەکار دەکات لە بەغدا.

کۆبونەوەکە لە لایەن ژووری بازرگانی پۆلۆنیا رێکخرابوو, بە بەشداری باڵوێزانی پێشووی پۆلۆنیا لە عیراق و نوێنەری وەزارەتی گەشە پێدان, نوینەری باڵوێزخانەی عیراق لە وارشۆ هەروەها دەستەیەک لە بازڕگان و وەبەرهێنەرانی پۆلۆنی . 
ئامانجی سەرەکی کۆبوونەوەکە تاوتوێکردن بوو دەربارەی چۆنیەتی پەرەپێدان و فراوان کردنی پەیوەندیەکانی ئابووری لەنێوان پۆلۆنیا و ھەرێمی کوردستان و عیراق بەگشتی.

باڵیۆزی نوێی پۆلۆنیا لە دەسپێکی کۆبوونەوەکە باسی ڵە رەوشی بارودۆخی ئێستای بازارەکانی عیراق و ھەرێمی کوردستانی کرد لە ڕووی بازرگانیەوە . دواتر باسی ئاڵوگۆڕی بازرگانی پۆلۆنیای کرد لەگەڵ عیراق  و ھەرێم ، ئاماژەی بە پەیوەندی لەگەڵ ژوورە بازرگانیەکانی هەولێر و سلێمانی و بەغداد و بەسڕە دا و بەڵێنی فراوانبوونی ئەو پەیوەندیانەی داو زەختی لەسەر ڕۆڵی سەرەکی هەرێمی کوردستان کرد لە ھەماھەنگی و ئاڵوگۆڕە بازرگانیەکان،  کە لە لایەن بەڕێزیان وەسف کرا وەک “سەرەتاى پردێك له چالاكیەکانی پۆلۆنیا له عيراق” . هەروەها باسی لە گرینگی ئاڵوگۆری زانستی کرد . باڵیۆزی پێشوی پۆلۆنیا لە عیراق بەڕێز ستانیسلاڤ سمۆلێن باسی پڕۆژەی ناوچەی پیشەسازی خۆراک لەدهۆک کرد کە ئێستا بەڕێوە دەچێت و ھانی وەبەرھێنەرە پۆلۆنیەکانی دا بۆ بەشداری لەو جۆرە پڕۆژانە. 

بەڕێز زياد ڕەئووف باسی بارودۆخ و کارنامەی کابینەی ٩ ی حکومەتی ھەرێمی کوردستانی کرد کە پەرەپێدانی کشتوکاڵ و پیشەسازی خۆراك و پشتگیری کردنی وەبەرھێنەران  لە ئەرکە گرینگەکانیەتی و هانى دەسەڵات و وەبەرهينەرانى پۆڵۆنیای دا بۆ ھەماھەنگی و هاوكارى كردنى هەرێمی كوردستان لە ھەموو بوارێکەوە بەتایبەتی كشتوكال و پيشەسازی و پیشەسازی خوراك و گەشت و گوزار و خوێندنی باڵا . هەروها نوێنەری حکومەتی ھەرێمی کوردستان ئاماژەى بەگرفت و کێشەکانی وەرگرتنى ڤيزاى پۆڵۆنیا كرد بۆ  قوتابیان و ھاوڵاتیانی كوردستان ، كه كۆسپێكه لەبەردەم فراوان کردنی هاوكارى و هەماهەنگى هەردوولا. نوێنەری حکومەتی هەرێمی کوردستان لە پۆلۆنیا ئەوەشی ڕاگەياند كە دەرگاى نوێنەرایەتی ھەردەم كراوەيه بۆ ھەموو ئەو کۆمپانیاو زانکۆ و کەسانەى ئەیانەوێت وەبەرھێنان و پەیوەندیە بازرگانیەکان نێوان پۆلۆنیا و هەرێمی كوردستان فراوانتر بکەن .
لە بەشی دواتری ڤیدیۆ کۆنفراسەکە وەبەرهێنەرانى پۆڵۆنی کە لە نوێنەرانی كومپانیاکانی كەرتە جياوازەكان بوون لەبوارى كشتوكاڵ و ئامێری پيشەسازی و پزیشکی و ھتد..  و نوێنەری باڵوێزخانەی عیراق لە وارشۆ كۆمەڵێك پرسيارى پەیوەست بە ئاڵوگۆڕ و هاوكاریە بازرگانیەکان خستەڕوو .

لە کۆتایی دا باڵیۆزی پۆلۆنیا له عيراق و ژوورى بازرگانى نيشتمانى رايانگەیاند کە لەپاش تێپەربوونى ئەم پەتا جيهانيە بە ئامادەكارى باش و توانا بازرگانيە نوێیەكاندا دەچينەوە ناو عیراق و هەرێمی كوردستان.