هەواڵی نوسینگەی پۆڵۆنیا

کۆنفرانسی نەتەوەیەکگرتووەکان دەربارەی ژینگە

 

لەسەر بانگھێشتکردنی سەرۆك کۆماری پۆلۆنیا ئاندژێی دودە نوێنەری حکومەتی ھەرێمی کوردستان لە پۆلۆنیا زیاد رەئوف بەشداری کرد لە مەراسیمی کردنەوەی کۆنفرانسی نەتەوەیەکگرتووەکان دەربارەی ژینگە COP 24 کە بە بەشداری سەرۆك و سەرۆکوەزیران و دبلۆماتکاران و پسپۆرانی بواری ژینگەی زۆربەی وڵاتانی جیھان دەستیپێکرد لە شاری کاتۆڤیچای پۆلۆنی و بۆ ماوەی دوانزە رۆژ بەردەوام دەبێت .

لە مەراسیمەکە پاش ووتاری بەڕێز سەرۆك کۆماری پۆلۆنیا، تیپی سیمفۆنیای میللی رادیۆی پۆلۆنیا کۆنسێرتێکی پێشکەش کرد بەبۆنەی ساڵیادی ١٠٠ ساڵەی سەربەخۆیی پۆلۆنیا کە بەشی زۆری بریتی بوو لە ھۆنراوە سیمفۆنیەکانی ئیگناچی یان پادێرێڤسکی Ignacy Jan Paderewski ئەو کەسایەتییەی کە دەناسرێ بە یەکێك لە باوکەکانی سەربەخۆیی پۆلۆنیا و لەسەرەتای سەدەی بیست لە ئەمریکاو جیھان بە رێگای کۆنسێرتەکانی و سیمفۆنیەکانی ڕۆلێکی گرینگی بینی لە ناساندنی میللەتەکەی و بەدەستھێنانی پشتگیری و یارمەتی ، تا ئەوڕادەیە کە پاش شەڕی جیھانی یەکەم قەناعەتی بە سەرۆکی ئەمریکا ھێنا کە لەیەکیك لە خاڵەکانی مانیفێستەکەی داوای سەربەخۆیی پۆلۆنیا بکا .

(زیاتر…)

کۆبونەوەی نوێنەری حکومەتی ھەرێمی کوردستان لە پۆلۆنیا لەگەڵ جێگری سەرۆکی ھەرێمی لوبێلسکی

نوێنەری حکومەتی ھەرێمی کوردستان لە پۆلۆنیا بەڕێز زیاد رەئوف رۆژی سێشەممەی رێککەوتی 4/12/2018 لە شاری لوبلین Lublin کۆبوونەوەی ئەنجام دا لەگەڵ جێگری سەرۆكی ھەرێمی لوبێلسکی بەڕێز زبیگنێڤ ڤۆیچیخۆفسکی Zbigniew Wojciechowski کە یەکێکە لە سیاسەتمەدارانی پۆلۆنی ناسراو و بەشداربوو لە جولانەوەی سۆلیدارنۆشچ کە بووە ھۆی گۆرینی سیستەمی حوکمڕانی لەسەرەتای ساڵانی نۆوەت لە پۆلۆنیا و ئێستاش لە حیزبی دەسەڵاتە .

سەرەتا نوێنەری حکومەتی ھەرێم بەدرێژی باسی بواری سیاسی و ئابووری کوردستان و عیراق و ناوچەکەی بۆ بەڕێزیان کرد . جێگری سەرۆك زۆر بە گەرمی پێشوازی لە بەڕێزیان کرد و پاڵپشتی خۆی دەربڕی بۆ مافە ڕەواکانی میللەتی کورد لە ئازادی و بەدەستھێنانی سەربەخۆیی . 

ھەرێمی ناوبراو یەکیکە لە پێشکەوتوو ترین ھەرێمەکانی پۆلۆنیا لەبواری کشتوکاڵ و پیشەسازی خواردەمەنی ، بۆیە لەمیانی کۆبونەوەکە باسی چۆنییەتی سوود وەرگرتن کرا لەو ئەزمونە زەنگینەی ئەم ھەرێمە و چۆن پەیوەندییەکان بەھێز بکرێن لە نێوان ھەردوو ھەرێم و ئاڵوگۆڕی بازرگانی پەرەیپێبدرێت لە نێوان کەرتی تایبەتی ھەردوو ھەرێم .

جێگری سەرۆكی ھەرێم پێشنیاری کرد کە لە سەرەتا شاندێکی بازرگانی کوردستان سەردانی ھەرێمەکەیان بکا و لە نزیکەوە بەرھەمەکانیان ببینێ .

ھەروەھا باسی پەرەپێدانی ئاڵوگۆڕی زانستی و ڕۆشنبیری کرا و بڕیار درا بەرنامە دابڕێژرێت بۆ ھەموو جۆرە چالاکیەکان بۆ ساڵی2019 

 

 

پۆلۆنیا ئەزمونە زەنگینەکەی خۆی لە بوارەی پاراستنی بەڵگەکانی کۆمەڵکوژی و جینۆساید بە کوردستان دەبەخشێ

پاش چەندساڵێك لە کارکردن و ھەوڵدانی نوێنەرایەتی  حکومەتی ھەرێمی کوردستان لە پۆلۆنیا بۆ سوود وەرگرتن لە ئەزمونی وڵاتی پۆلۆنیا و بەتایبەت مۆزەخانەی کەمپی ئاوشڤیچ بیرنیکاوی نازی، شاندی وەزارەتی کاروباری شەھیدان و ئەنفال كراوەكان بە بەشداری بەڕێزان بەڕێوەبەرانی مۆنومێنتەکانی ھەریەك لە ھەڵەبجەو بارزان و چەمچەماڵ گەیشتنە پۆلۆنیا و پێشوازیان لێ کرا لە نوسینگەی نوێنەرایەتی حکومەتی ھەرێمی کوردستان لە وارشۆ لە لایەن نوێنەری حکومەتەوە بەڕێز زیاد رەئوف .  

دواتر  لەبەروارى ١٥ تا ١٧ / ١٠/ ٢٠١٨ شاندی ناوبراو  سەردانی مۆزەخانەی ئاوشڤیچ بێرکناویان کردو بۆ ماوەی سێ ڕۆژ پسپۆرانی ئەو مۆزەخانەیە کە لەکاتی جەنگی جیھانی دووەم گەورەترین کامپی کۆمەڵکوژی نازیەکان بوو لە ئەوروپا، بەوردی شێوەی کاریان و ئەزمونیان ڕوونکردەوە بۆ مێوانانی کوردستان.  
 لە رۆژى یەکەمی سەردانەکە شاندەکە بەخێراتن و پێشوازى لێ كرا لەلايەن بەرێوەبەرایەتى مۆزەخانەکەو   سيمينارێك و وانەیەك پێشکەش کرا لەلايەن بەشى راگەياندن . دواتر مێوانان سەردانى شوێنەوارەكانیان كرد لەگەڵ  رێبەر و سەردانى بەشى پاراستن نۆژەکردنەوەی بەڵگەکانیان کرد . 
لە رۆژی دووەمدا ئەندامانى شاندەکە چەند سمینارێك و ڕونکردەوەیان  پێشکەش كرد دەربارەى كارەساتەکانی کۆمەڵکوژی لە كوردستان و دواتر سەردانى بەشى ئەرشيفيان كردو ژورو ھۆڵەکانی ئەو بەشەیان دیت و لەلايەن بەرێوەبەرى بەشى ئەرشيف وانەیەکیان بۆ پێشکەش كرا لە بارەى چۆنیەتى بەئەرشيف كردنى دۆكومێنتەكان . لەکۆتايیدا شاندەكە سەردانى بەشى كۆکا و شوێنى كۆکردنەوەو پاراستنی  كەل وپەلو بەڵگەكانيان كردو لە نزيکەوە ئەشنابوون بە چۆنیەتی پاراستن و هەڵگرتن و كۆكا كردنى كەل و پەلى جێماو و دۆزراوەى دواى كارى كۆمەڵکوژى .
لەرۆژى سىێیەم و كۆتايى لەسەرەتا وانە و سمينار و كارى پراكتيكى لەبارەى چۆنیەتی پاراستنى قوماش و تازەكردنەوەی پێشكەش كرا لە لايەن پسپۆرانی بەشى پاراستنى قوماش . لە ھەمان ڕۆژ وانەو سمینار پێشکەشکرا  لە لایەن بەڕێوەبەری بەشی ڕێبەری دەربارەى كاری ڕێبەرى و چۆنيەتى ئامادەكردن و فێركردنى رێبەری پسپۆر بۆ كارى رێبەرى .
 لەکۆتايدا شاندەکە سوپاس و پێزانینی خۆی ئاراستەی بەڕێوەبەرایەتی مۆزەخانەکە کرد و خۆشحالى دەربڕی بۆ ھاوکارییەکنیان و ماڵئاوایی لێکردن . 
شایەنی باسە ھەنگاوی دووەمی ئەو ھاوکاریانە ھاتنی شاندی پسپۆرانی مۆزەخانەی ئاوشڤیچە بۆ کوردستان بۆ دیتنی مۆنومێنتەکان بەمەستی ڕاوێژکردن و یارمەتی .